U khynnah uwa dang 23 bnai uwa tip kam u Vedansh Singh uwa na Palwal, Haryana uwa da tipmit ka pyrthai nei yakhun u yei kjut Spinal Muscular Atrophy (SMA) Type 1 kawa man ka kjut wa ktah ya ki ksah hadooh i wow riñ mynsien wei wow ngooid baam wei u sumaar leh man ko kawa syad bha.
I sumaar ya u Vedansh kynthup i ya i Injection wa chongdor Rs. 9 klur heiwa ki Doctor na AIIMS Delhi da ong ki wa emkaam u wow yoh ini i dawai chwa wow dap u 2 snem wei ini da pynman i ya ki paidbah wow sdang ya i khrong poisa neibynta yong oo.
Lyngba i yahkhmat u Influencer na Mumbai, u Mayuresh Gujar da sdang yei khrong poisa ha Mumbai wei da ye ki wow yoh hadooh Rs. 2.22 klur.
Ha ka 21 tarik, u Anant Ambani uwa man u khon u heh spah ka ri India, u Mukesh Ambani hawa lai u cha Lalbaugcha Raja Mandir ha Mumbai da yoo u ya ki Banner wa ki bru kiwa da khrong poisa neibynta u khynnah, kamtæ da sangeh u ha luti wow yaklam wa ki wei da khana ki ya oo yeiwa leh ki.
Hadien wa ap yeiwa jia neiliang u Anant da kular u wow su pyndep ya ka poisa wow sumaar ya u Vedansh.
Discussion about this post