Jop ka Sanika S Phawa yei naam Miss Jowai Teenager 2026

Ka Miss Jowai Teenager 2026 kawa man ka sien wa san wa pynman ka da ka Arts & Culture Committee ka Dorbar Chnong Chutwakhu; ha uni u snem da pynman ka ha ka 3 tarik uni u bnai ha Chutwakhu Indoor Sports Hall heiwa da em 15 ngut kiwa chimbynta wei man ko neibynta kiwa nadooh 13 hadooh 19 snem i rta.

Hachwa u sdang ka yakob da em ka yalang wai pyrda wa pynlai da u waheh chnong ka Chutwakhu, u P. Lyngdoh heiwa u Dolloi ka Elaka Jowai, u Puramon Kynjing da man u kam u kongsan.

Hawa e yei klam kam u kongsam, u Dolloi da ong u wa kani ka rynsan man ko ym du wow kyntu kyrsu ya ki khon ka chnong tangwa yow kyntu kyrsu leh ya waroh ki khon ka Ri-loom Jaiñtia.

“Ini man i i mynsien wa em kitkhlieh ka Chutwakhu wei ye leh u ong wa rah ko yei naam i burom ka chnong Jowai wa ka jaitbru,” da ong u Dolloi.

Jop uwa na Nangbah ya ka Rs.1 lak ka Lucky Draw ka Dorbar Chnong Loomkyrwiang

October 3, 2026

Pynlait ka Seiñraij Jowai ya ki Ticket Lucky Draw wa Rs. 5 lak

September 27, 2026

Ngaitskem u wa i ye u poi kani ka rynsan cha ka sien wa 5 toh wa em i rai kut kiwa sdang ya ka neibhah iwa sdang toh iwa eh.

Wei hei yaleh em bait wei jop wei rem kamtæ kam kiwa chimbynta lada rem leh ymtoh u sñiawrem neibhah da yoh yei sñiawthooh kammon u pynbha chakhmat.

Hawa kyruiñ cha ka yakob, da pynman soo kylla namo ki Round heiwa ka 1^st Round toh ka Dancing Round, ka 2^nd Round ka State Costume Round, ka 3^rd Round ka Exotic Round wei ka 4^th Round toh ka Evening Gown Round wei da em leh ka Question and Answer Round.

Hadien wa kut kini ki Round neiliang kiwa bichaar wa kynthup ya ka Phiralin Nongbet kawa man kam ka Mrs International 2019, ka Patrica Mukhim kawa man kam ka Editor ka Shillong Times wa ka Naphisa Pala kawa man ka dkhot ka Fashion Society Shillong, da yoo biang ki wow pynkup yei naam Miss Jowai Teenager 2026 ha ka Sanika S Phawa kawa na Mihmyntdu kawa jop ko leh ya ki Sub-Title Miss Beautiful Skin, Miss Photogenic wa Best Evening Gown.

Yei naam 1^st Runner Up da lai cha ka Joanna Pala kawa na Ummulong kawa jop leh yei Sub-Title Miss Intellectual katwa yei naam 2^nd Runner Up da jop ka Dasien Ika Challam kawa na Panaliar kawa jop leh yei Sub-Title Best State Costume.

Kawa jop da yoh ko leh ya ka song poisa kawa Rs. 50,000, kawa yoh 1^st Runner Up da yoh ko Rs. 30,000 katwa kawa yoh 2^nd Runner Up da yoh ko Rs. 20,000.