Maham yakhih chah thngan kiwa yah kari ka Star Cement neidaw wa joor chah lehbeiñ ha ka Company

Kiwa yah kari wa man kam ki tre jylla ha ka karkhana Star Cement kawa em ha Lumshong, East Jaiñtia Hills District, ha ka yalang wa da pynman ki ynne ka sngi ha Orchid Inn Thadlaskeiñ, West Jaiñtia Hills District da chim ki ya ka rai wow pynman i yakhih chong chah thngan ha Shillong lada ka Star Cement ym pynmankaam ko ya ki mat dawa yong ki, itæ wow pynbiang bai luti, pynbiang Handyman, ka bai baam hawa chong sngi, ka Insurance, wow e Appointment wa Joining Letter, wow thung biang kam ki Driver ya ki tre jylla kiwa ka Company da pyndooh ko najrong kiwi de ki mat.

U Tious Pakma uwi na ki Driver ka Star Cement khana u wa kam ki Driver tre jylla wa yah kari ya ka Star Cement maad ki chiboon i eh nei chah knioñ beiñ ha katai ka Company.

Khana u wa hawa jia i Accident, ka Star Cement jooh e Case kylla ko ya ki Driver yong ka, neitæ hawa chah tooh Battery, phniang, piah ki Side Glass ka kari, neiliang ka Company da ah ko na ka tulop ki Driver.

Kamwa man kattæ ong ki wa ya ki Driver tre jylla kani ka Company da yaleh ko u pyndam wei e Driver noh da ki baar jylla, wei hajrong ini leh dawa ki wow e kaam Driver biang ya kitu wa da pyndam ko.

Related posts

I maham ya kiwa pynyap beiñ ya ki doh um ha tymbud ka Wah Myntang hapoh ka Elaka Nartiang | Da pynbna leh ar tylli ki Fish Sanctuary

October 5, 2026

Duna bha yoh kit ki Truck ki tre jylla, kular u CEM wow khut yaklam ya ki karkhana Cement

October 5, 2026

Chooh chooh kini ki Driver khana ki wa heipor wa sdang lai kreh, ka Star Cement da paan ko ki kot ki sla wa boonjait nadooh ka Police Verification, Medical Report, Residential wa kiwi tangwa ka won wot hawa la 4-5 snem da em ko ki kari yong ka hi leh, ym em uwi wot leh u Driver wa da kreh uwa yoh ya ka Appointment Letter næ Joining Letter kamjooh ki kyndon wa da booh neibynta ki Driver.