Chah pynmynsoo wei chah lute kawi ka kynthai ha kiwa suba toh kiwa dih drugs ha Shillong

Kamwa 3-4 ngut kiwa suba toh kiwa dih drugs ha Nongmensong, Shillong da pynmynsoo wei da lute ki ya kawi ka kynthai kawa em 26 snem i rta kawa man kam ka Garo iwa da jia hei miet ka 5 tarik katkam wa pyntip u President ka Nongmensong VDP, u T. Thabah.

Da ong u wa da tipmit ya uwi na kini kiwa emkit uwa khut siñ kam u “Gunni”, wei ki pulit dang takit ki yeini yow chem ya waroh kiwa emkti.

Kani ka kynthai da chah pynmynsoo ko da i tiar wa nep heiwa da lute ki ya ka Mobile Phone wa ka poisa ko heipor wa lai ko hajan i dukan Reliance Trends ha Nongmensong heipor kamwa 9:00 waje i miet.

Kani ka kynthai da mynsoo ki bynta u rdang ko hadien chkoor heiwa da chah ah ko heipor wa yaleh ko wow yut na kini kiwa lute heiwa da mih i snaam wa boon bha nei kha ko.

Ya ka Silvina da chem da kawi ka bru kawa da kit ka cha NEIGRIHMS heiwa da khana ko wa da yoo ko yeiwa mihsnaam ko heiwa hawa kylli da khana ko wa em wa pynmynsoo ka da i tiar wa nep wei da chah tooh ka Mobile Phone ko.

Related posts

Da khut Admission neibynta ka 5th Spoken English Morning Batch ha EduCareerPoint Skills Training & Career Counselling, Jowai

October 6, 2026

Mih i pyrtuid ki ar tylli ki Restaurant wa em ha Shillong haka thup Top 50 Restaurants ka India

October 6, 2026

Uwi na kiwa da suba wa emkti heini i kaam da chah kem u ha ki paidbah du hadien kattu katni por wa jia ini.

Kani ka kynthai toh kawa chongwai ha Umkdait, Nongmensong.