Hadien ar snem kat u dooh, ka Mawlai ynne da jop biang ko ya ka Shillong Premier League 2026 deiwa pynrem ya ka Rangdajied United da 5-0 ha SSA Stadium, Shillong.
Hanla dang sah soo tylli ki yalehke, tangwa ka Mawlai da yoh ko 21 Point heiwa kawa em hei wa ar ka Shillong Lajong kawa daw yalehke sa chisien da em ko 17 Point.
Ha ka yalehke ynne, ka Mawlai da thap ko le kool ha ka kylla step lyngba u Basuklang Bina (13’), u Arkini Laloo (16’) wa u Fairming Suting (22’) wei ha ka kylla miet da thap da u Damanbhalang Chyne (83’) wa u Ricky Chyne (90’).
Ka Mawlai ha kani ka samoi ym em rem ko chisien leh tangwa da ya Drawn ko le sien katwa ka Shillong Lajong da rem ko chisien wei ya Drawn ar sien.
Ka Mawlai da jop ko 6 sien katwa ka Lajong 5 sien deiwa daw yalehke ko sa chisien. Ka Mawlai da chah thap ko du ar sien (iwa duna dooh) wei da yoh ko u thap 17 sien (iwa boon dooh).
Ka Mawlai dadep ko wow jop ya ka SPL ha u 2022 wa 2023 tangwa du kat u dooh ha u 2024 wa 2025.
Kiwa man kam ka Top 6 daw yoh ki leh wow chimbynta ha ka SSA Super Cup.
Discussion about this post