Ki damok wa em kamwa 5-6 ngut da tooh ki ya ka kor ATM ka State Bank of India (SBI) kawa em Rs. 4.80 lak hapoh na Nandan Pahar, Deoghar ka sorbah Jharkhand wei ini da jia hei step ka 6 tarik heipor 3:30 AM wa 4:00 AM.
Kini ki damok da pynemkaam ki da ka SUV (Xylo næ Innova) heiwa da khyndang ki ya ka Shutter wa em ka ATM hajan Seva Dham.
Hadien wa pyrchang ki wow khyndang ya ka synduk hapoh ka kor da ka Gas Cutter, neidaw wym ye u sai ka, da kdoh noh ki ya ka kor ha ka kari chwa wow taan ka cha sarok.
Hawa taan ya ka kor kamwa 500 metre da rah wei thap ki ka hapoh ka kari wei da yut ki na ini i thaw.
Ya ka kor ATM wa dadep khyndang wei kawa da ieh thylli da chem na chnong Chitarpur heiwa da rahlut kini kiwa tooh ya ka poisa Rs. 4.80 lak.
Neiliang ki pulit da pynman ki yei takit hajrong ini.
Discussion about this post