Ka Election chiteiñ samoi ka Nagaon Lok Sabha Constituency wa em ha Assam kawa da hap pynman hadien wa thylli ko nei ieh noh u MP ka Congress, u Pradyut Bordoloi uwa da mih noh napoh ka Congress wow yakhun Election MLA na BJP na Dispur ha uni u snem heiwa da jop u leh. Ynne da pynman yei ñiaw Vote heiwa u kyrtong ka BJP, u Devashish Sharma da tam ko da 1,41,916 Vote ya u kyrtong ka All India United Democrtic Front (AIUDF), u Mohammed Dabruddin Ajmal.
U Mohammed Dabruddin Ajmal toh u MLA ka Binnakandi uwa man kam leh uwa mahajon dooh na waroh ki MLA ka Assam deiwa mantre ya ka Ajmal Perumes kawa lai dai bha ha Middle East heiwa da chongdor u hadooh Rs. 226 klur.
Kani ka Constituency toh kawa em 53% ki Muslim kam kiwa chong chnong tangwa u Ajmal ym ye u wow jop ka yow ku kyrdan noh kam u MP ka Lok Sabha.
U kyrtong ka BJP toh uwa da chong ngiah kam u sahep IAS uwa jooh man leh kam u DC ka Nagaon wei da kha ya oo ha Jorhat wei kani toh ka sien wa nyngkong wa yaleh Election u heiwa da yoh u 7,13,622 Vote iwa man kamwa 49.11% na waroh ki Vote.
Ka kyrtong ka Congress ka Sibamoni Bora da yoh wa le ko deiwa yoh 1,29,363 Vote.
Ha kani ka Election chiteiñ samoi da em hadooh 15 ngut ki kyrtong.
Discussion about this post