U bru wa mahajon dooh ha pyrthai, u Elon Musk da sympat u ya u Chairman ka Reliance Industries, u Mukesh Ambani, deiwa khut ya oo kam u Prime Minister Ambani ka ri wei man u leh u Boss ka India.
U Musk da pynbaad u wa u Ambani da pynemkaam u yei bor u ha ki kaam saiñ hima wow leh samen ha i khayi pateiñ deiwa khang ya ka Starlink u wan cha India wow e Internet.
U Musk da kdaw u wa ka Starlink krehkaam ko ha ki 165 tylli ki ri wei da pynlut ko san snem wow pynhun ya ki kyndon ka ri wei sah sei wow yohbor donhi ko.
Chooh chooh da kylli u lada chah u Ambani ya u Musk wow wanrah ya ka Satellite Internet Service hapoh ka ri India neibhah dang em kiwa boon ki chnong ki wym em Internet kiwa da dooh yei hok wow yoh yei puræ puthi kamjooh wow yarap ya kiwa em yei khih wa khian wa nai wow dai ya ki mar yong ki.
Ki paidbah da jubab ki ya u Musk deiwa ong wa ka Starlink toh kawa syad bha wei ki bru ha India ym ye ki wow su ka, da beiñ ki leh ya u Musk deiwa ong wa i rukom klam u toh kam wow e mynkna u ya ka Internet.
Discussion about this post