U Superintendent of Police ka West Khasi Hills District, u H. Kharkongor, da pyntip u wa da Register ya ka Case ha Mawshynrut Police Station da ka Case No. 19(10)2026 hapoh ki Section 64(2)(m)/351(3) ka Bharatiya Nyaya Sanhita (BNS), deilang ki Section 5(1)/6/15 ka aiñ POCSO Act wa Section 67B ka Information Technology Act kiwa man ki kyndon wa yatoh wa i slaitbor ya ka khynnah kawa dang hapoh 18 snem, i maham ya ka bru wei pynpoor ya ki Video i chah leh khlem akor ka khynnah wei ka takit heiyatoh wa ini dang lai i chakhmat.
U SP ong u leh wa em kiwa pynpoor ya i Video yong kani ka khynnah wei ini man ko pyrchah ya ka aiñ wei kitu kiwa leh yeini daw chah pynchitom ki katkam ka aiñ, kamtæ da kyntu wow sangeh u leh yeini.
Da ban joor u leh yeiwa emkaam wow murieh yei pyrtuid kawa chah thombor wei da emkaam wow sangeh u pynpoor ya ini i Video neibhah daw ktah ko leh yei takit.
Lada em kiwa em iwon iwon i sabut heiyatoh wa ini wa jia da kyrpaad wow pyntip cha ka Police Control Room ha u Number 9366498499 næ deiwa Phone ha u 112 heiwa yei pyrtuid kiwa pyntip daw murieh ki.
U SP da kular u wow pynchitom ya kitu kiwa leh ya kini ki kaam deiwa kyntu leh ya ki paidbah wow ya krehlang ki.
Discussion about this post