Ki lieñsuiñ kiwa na India kiwa kyntup ya ka IndiGo, ka Akasa Air, ka Air India wa ka Air India Express da pynbna ki wa da pyndam ya waroh ki lieñsuiñ yong ki kiwa lai wei mih na Riyadh, Jeddah, Dammam wa Madinah hadooh ka 17 tarik u October neidaw i man i long ha Saudi Arabia.
Da kyntu leh ya kiwa thied Ticket wow pait ya ki Flight Status kini ki lieñsuiñ chwa wow lai cha Airport. Chooh chooh da ong wa waroh kiwa kreh da man ki kiwa pynkhreh wow yarap ya kiwon kiwon wa kwah u tip bniah.
Ka sorkar Saudi Arabia da pynbna ko leh wow khang ya ka Riyadh International Airport hadooh 17 tarik hadien wa chah siat Bomb ko ha ki Houthi na Yemen.
Kam wow pynkynmoo wa ha ka 10 tarik uni u bnai ka Riyadh Airport da chah siat ko da u Missile hadooh wa yap 13 ngut heiwa uwi toh uwa na India wei na kiwa mynsoo da em leh 4 ngut kiwa na India kiwa dang em hapoh ICU kattæ, neitæ 4 ngut won da em ki hapoh ka Ward katwa 3 ngut do yoh ki wow mih na Hospital.
Da pyntip wa lada em kiwa na India kiwa hap u lai cha Saudi Arabia deiwa ym hoi de u dam, daw hap ki wow hær cha ki ri wa em ha Gulf kam cha Qatar wa Bahrain wei neini lai won cha Saudi Arabia deiwa yoh Visa.
Ya kitu won kiwa na India kiwa sahkut ha Saudi Arabia ym hap ki wow toh kuna hanla kut ka Visa ki leh wei daw chah u mih ki mar ya yoh lieñsuiñ.
Ki Airport ka Saudi Arabia du ha uni bnai da chah siat ki hadooh 12 sien ha ki Houthi kiwa em ha Yemen kiwa kyrchaan da ka Iran.
Discussion about this post