U Chief Minister, u Conrad K Sangma da ong u wa daw sdang noh i pyrchang da ki Pilot Project wow khang ya ki krem mooyong ha ka jylla wei dang yang donhi wow yoh bor wow leh yeini.
Da ong u, “Ymtoh wow kær ya ki krem mooyong, tang wow khang ya ki wei u sdang chwa da ki Pilot Project wei ym slem de daw yohbor wow leh yeini”.
Ini i ong u Conrad toh katkam ka 41st Interim Report wa pynkhreh u Justice B P Katakey heiyatoh wa i tih mooyong heiwa da ong wa ka sorkar ym pu em khang ko kawi leh ka krem mooyong (Rat-Hole Mining) neibhah deiwa ieh khlem khang da man ki kiwa maa ya ki paidbah wa lai wa wan wei da tyngkheiñ leh ya ka Article 21 ka Constitution ka India.
Heiyatoh wa ka poisa, u Conrad da ong u wa ye u pynemkaam na ka Meghalaya Environment Protection and Restoration Fund (MEPRF) tangwa hap wow bood ya ki kyndon aiñ kamjooh wa ki kyndon ka yung bichaar.
Ha ka Report da ong wa da em i tyrwa da ki DC ka West Khasi Hills, South West Khasi Hills, West Khasi Hills wa West Jaiñtia Hills District wow kær ya ki krem mooyong wa em rap chajan ki thaw sah ki bru tangwa yeini da chem chitom ha East Jaiñtia Hills neibhah wym em yukhieñ hadooh katwon tylli em kini ki krem mooyong heiwa u DC da paan yarap u na ki Dolloi kamjooh ki waheh chnong yow tip katwon tylli wa hap khang.
Discussion about this post