I neiliang ka yung ka sem u Ma (L) Arki Lapasam, uwa chong wa sah ha Mukhap, West Jaiñtia Hills, uwa da khlaad noh na kani ka pyrthai ha ka 30-09-2026, pynsñiaw i yei sñiawngooh wa khroo ya phi waroh nadooh ki kur ki jait, ki kha ki man, ki lok ki jor kiwa najan najngai wa na ki chnong waphær waphær, kiwa da emlang wa i nadooh ka sngi wa khlaad hadooh ka sngi wa pyndep yei lehniam wa khaddooh.
E khublei i ya ki Doctor, ki Nurse ka Laskeiñ CHC wa ka Woodland WK Hospital, Sabahmuswang Jowai kiwa da e yei sumaar katwa ye i bor yong ki.
Ka e khublei lai ko leh cha ki Pastor, ki Tymmen Wasan, ki Rangbah Balang wa ya ka Balang Presbyterian Mukhap hi waroh kawi, kiwa da chimkhia wow pynlai bait pynlai ryntih wei wow pyndep yei lehniam lehrukom.
I sñiawngooh ya ka chnong Mukhap hi waroh kawi kawa da emlang wei synraanlang ya i kam ka yung ka sem ha kam kani ka por wa dap dei sñiawsih nei dooh wa khroo yong ka yung.
I sñiawngooh ya kiwa sikai wa ki khynnah skur yong ka Winters’ Adventist Higher Secondary School, Mowkaiaw, ya ka Mynska Secondary School, Mynska wa kamjooh ya ka Alumni ka JNV wa ka Mowtyrshiah to Jowai Tourist Cab Association (MTJCA) kiwa da pynyoo yei sñiawlem wei e mynsien yong phi.
I kam ka yung ka sem ym ye de i u su kylliang yei lehbha yong phi waroh, tangwa du dei duwai wa u Blai Kynrad u kyrkhu kyrdoh u ya phi waroh kiwa wan e mynsien wei emlang wa i ha kam kani ka por wa sñiawsih.
I sñiawngooh na ka kurim, ka Kong Bapyndaphun Tang deilang ki khon ki kti wei kamjooh ki payu para wa kiwa ha-yung ha-sem u Ma (L) Arki Lapasam. Khublei Chiboon!
Discussion about this post