Ki pulit ka chnong Palatine, Illinois ka ri USA da kem ki ya uwa dang 19 snem hadien wa chem ki sabut wa mut u wow pynyap ya kiwa na India deiwa lai siat hapoh ka Temple wa heh dooh kawa em ha kani ka chnong najrong wa yoobeiñ u leh ya ki Jew wa ki bru doh yong.
Uni uwa chah kem toh uwa tip kam u Alexandros Paporakis wei hadien wa kem ya oo da chem wa em u ya ka Assault Rifle, 300 tylli ki kuli da i thmu wow pynyap ya kiwa man kam ki khian paaid heiwa da em u leh kawi ka Manifesto wa thoh u kawa em phra sla heiwa da khana u wa kwah u wow pynyap ya kiwa na India hapoh ka thaw mane Blai ki.
U Paporakis toh uwa kreh ha ka Taco Bell wa em ha Arlington Heights wei da khana u yeini wa thmu u wow leh ha u para wa krehlang heiwa da phah u leh cha oo ya ki dur wa ksoh suloi u deiwa sap leh ya ka Tactical Vest wei ha kawi ka sngi da khana u wa da lai u da ka kari dei thmu wow siat bru tangwa sih ka suloi wei da yut u na kani ka thaw.
Kamtæ uni uwa krehlang wa oo da pyntip noh u cha ki pulit kiwa da lai cha ka thaw sah u Paporakis heiwa da kem noh ki ya oo heiwa da chem ki ya ka suloi, ki kuli deilang ka Manifesto u kawa da e pyrtuid u “Why I Fought: A.K.A (Aurora Shooter’s Manifesto). Ka Aurora man ko ka chnong kawa em ka Temple kawa da mut u wow lai siat.
Ya uni da kem ha ka 11 tarik uni u bnai wei da lai yah oo hakhmat ka yung bichaar ynnin ka sngi kawa da e bor wow kset oo wei daw lai yah biang oo hakhmat ka yung bichaar chwa u kut uni u bnai.
Discussion about this post