Kyntu ka AJYWO wow pynsmat ya i su bai thaw cha ki paidbah

Jowai: Ka AJYWO Central Body neibynta i miat i bha ki paidbah wa lai wa wan kamjooh kiwa chong chnong wa em harood u sarokbah NH-44 da kyntu ko ya ki bor District ka West wa ka East Jaiñtia wow pynsmat ki yei su bai thaw cha ki tre thaw wa da e wow pynheh ya uni u sarok nadooh na Soomer hadooh Malidor.

Lada pyndep smat yeini ka GR Infra Project Ltd kawa kreh ya uni u sarok daw ye ko u pyndep smat wow chna ya u sarok.

“Katkam wa man katni, i kreh ya uni u sarok dang lai ko cha khmat wei ki paidbah leh da sdang ki u yoo yei myntoi wa yoh na uni u sarok tangwa sñiawsih won wa ka sorkar lyngba ki bor District ym chimkhia ki wow su noh ya ka bai thaw cha kiwa e ya ki thaw yong ki wow pynheh sarok iwa pynman ya ka company hadooh wym nood ko u kreh katkam wa da dawa ya ka wei ini daw wanrah ko yei ma wo boon jait ya ki paidbah neibhah u sarok da sdang bha u wei daw booh ko yei ma ya ki paidbah wa lai kjat lada ym em thaw ya ki u lai kjat” da ong u Bah M H Dkhar President yong ka AJYWO Central Body.

U M H Dkhar da ong chooh chooh u wa ym toh rukom wow lai ki paidbah wa ki kari ha ka jooh ka sarok kam ha ki bynta ka Phramer, Lad-Rymbai, Khliehriat, Umkiang wa kiwi kiwi ki chnong neibhah emkaam ya ki thaw lai kjat (footpath).

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Da kyntu leh ya ka GR Infra Project Ltd wow pynsmat ko u kreh ya kani ka sarok yow suk ki paidbah neibhah ka por ym em de ko heiwa u slap toh uni de uwa da sdang wan.

Also Read: Sah i kreh sarok neidaw wym pdiang ki tre thaw ya ka poisa