Pynbaad uwa laike cha ka kchaaid Phe Phe wa chah chim kabu ha ki bru wa phah su bai Guide, bai psiah wa bai Life Jacket

Uwi u bru uwa na South India uwa wan uiñke cha Meghalaya deilang wa ki lok kiwa em 5 ngut da pynbaad u wa chah chim kabu ha ki bru wa em ha kchaaid Phe Phe deiwa phah su ki kut jait hadooh wa hap mih ki na kani ka thaw.

Da ong u wa heipor wa poi ki cha kani ka thaw da em ki bru wa phah ki wow su Rs. 300 samen kam ka bai Guide wei da pyrchang ki wow ngiat ki yow dong ki chadien lada ym su. Uni uwa uiñke suwari da ong u wa i thaw toh iwa jan bha tangwa da chim ki Rs. 300 kam ka bai Guide katwa ya kiwi ki bru won kiwa na North India ym em phah su ki.

ADVERTISEMENT

Hadien wa lai bait ki da em sa kiwi ki bru wa wan wow pynsangeh ki chiteiñ luti kiwa da paan won Rs. 100 samen kam ka bai psiah.

Manda poi won ha ka kchaaid da phah won ya ki wow sap ya ka Life Jacket deiwa su Rs. 100 kawi tangwa uni uwa uiñke suwari da ong u wa kwah donhi ki wow chong-ke ha ki moo wei ym em leh hiar ki chapoh ka um.

Related posts

Chargesheet ki pulit ka Delhi ya kiwa tynyap ya u Manipuri

October 20, 2026

Du u Judicial Magistrate First Class wa ye u pdiang ya ki Application kiwa dang kha wa kiwa yap ki wym pyntip hadien ar snem

October 20, 2026

Tangwa kini ki bru da pynbor wei da ngiat ki ki deiwa phah wow mih noh na kani ka thaw.

Uni uwa riñdur yeini uwa em ya ka Account Amalkrishna ha Instagram da ong u wa da wan u na Nongjrong, Jowai wa kchaaid Chympe heiwa waroh ki bru toh kiwa bha wei ini toh i sien wa nyngkong wa maad ki kam ini i wym em sñiawsuk ha Meghalaya.