Maham ki ar seiñ u pynman yakhih lada yachah ka Fact-Finding Committee cha ka Shree Cement

Ki ar seiñ wa kynthup ya ka Khasi Jaintia Youth & Students’ Union-Central Body (KJYSU-CB) wa ka Indigenous Biodiversity & Social Welfare Organisation (IBSWO) da maham ki wow pynman yakhih lada ka Fact-Finding Committee u yachah ko cha ka Shree Cement deiwa tipmit ya ka Public Hearing kawa dadep pynman ha ka 31-07-26 ha Lum Syrman, East Jaiñtia Hills.

Ki ar seiñ da kdaw ki wa ka MSPCB ha ka chithi yong ka ha ka 14-10-26 da ong ko wa ya ka File yow e Environmental Clearance (EC) dadep phah ko cha ka State Level Environment Impact Assessment Authority (SEIAA) kawa embor wow leh yeini. Kamtæ da ong wa ini i kaam wow pynyap ya u Lum Syrman toh iwa da lai chakhmat.

ADVERTISEMENT

Ka KJYSU wa ka IBSWO da ong ki wa ka Public Hearing kawa man ha ka 31-07-26 toh deiwa klem yoh ki tre chnong wa kiwa pyrchah wow lai chimbynta wei ym em da leh katkam ka EIA Notification 2006.

Da ong leh wa u Lum Syrman toh ka thaw wa em ki hali kiwa da rep nadooh ki por yongrim wei lada ka Shree Cement tih ko ya uni u loom daw kylla ri chyiap wei daw sngad leh ki um ki wah.

Chooh chooh da ong wa ki kam ki ar seiñ wym em hun ki yei wan ka Shree Cement wei lada ka Fact-Finding Committee nood ko wow tipmit ya ka Public Hearing kawa dadep pynman, daw pynman dei yei yakhih wa joor wei kawa heh bha ha waroh ka East wa West Jaiñtia Hills.

Daw khang luti leh yei lai i wan ki kari ka Shree Cement wow psiah cha Lum Syrman, daw ujor leh cha ka NGT wa cha ka High Court ka Meghalaya.

Related posts

Jop u Dolloi ya ka chi lak tam ka Lucky Draw ka Dorbar Chnong Mynthong

October 21, 2026

Iñ i dukan ha Laitumkhrah deiwa suba chah kawang Petrol Bomb

October 21, 2026

Da ong wa i wan ka Topcem, ka Star Cement, ka Dalmia wei kattu sa ka Shree Cement daw pynjæd ko ya Ri Jaiñtia heiwa kini da kamai ki da ki klur na ki loom yong i katwa ki khon khynroo khyllood yong i dang sah khlem kaam khlem jaam, ki skur dang thut, ki luti syngkieñ leh dang sih.

“Ki tre chnong yong ka Elaka Nongkhlieh dadep e ki dei thoh cha ka Fact-Finding Committee wym toh u e bor wow wanrah ya ka karkhana ka Shree Cement neidaw wa daw ktah ko yei thaw rep thaw khih yong ki, wei neiliang ki ar seiñ leh kyrchaan pura i yeini i dawa yong ki,” da ong ki ar seiñ.

Da kylli leh wa lada ka Fact-Finding Committee yieñ ko wa ki paidbah namo wa ki heh spah? Wei lada ym yoh jubab daw pynman yakhih ki ar seiñ.