Jowai: Ka JHADC ynne ka sngi da e ko ya ka Sanad cha u Puramon Kynjing wow tipmit wei wow pynskem ya oo wow man u kam u Dolloi wa pura ka Elaka Jowai weiwa ya ka Sanad da ekti da u CEM ka Council u Thombor Shiwat ha kamra krehkaam yong oo.
Ya u Puramon da wan synran da ki Waheh Chnong, ki waheh wasian ka Elaka, ki wa hayung hasem, ki lok ki jor wa kiwa kyrchaan ya oo.
Ha kani ka Sanad da ebor wei da booh leh ya ki kyndon kiwa u Dolloi u kreh u, kiwa kynthup wa da e bor ya oo wow man u kam u Chairman ka Village Court næ ka Yung Bichaar ka Elaka, wow krehkaam u katkam ki aiñ yong ka Council, wow khrong dan u katkam wa da leh hapoh ka Elaka.
Da mana wym hoi u ewai namo wow e bru ya ki thaw yong ka elaka, wei lada leh kamni emkaam wow pyntip cha ka Council, ym hoi u e NOC namo ebor ya ki karkhana wow sorjamin ki ya ki thaw næ khloo ka elaka khlem yohbor na ka Dorbar Elaka wa ka Council.
Da kyntu wow sumaar wei wow pait wow yada ya ki um ki wah kiwa haap hapoh ka Elaka, da e bor wow ksoh næ kem ya ki bru kiwa tynyap dakha deiwa bær bih namo kiwi kiwi ki rukom heiwa daw chah ktah ki dakha wei wow pyntip yeijooh cha ka Council.
Ka tulop yong oo u man ko katkam ka nong wa ka dan wa yoh u na ki hali wa ki thaw wada booh kam wada leh na warim.
Discussion about this post