Uwi u bru uwa klam beiñ ya ka jylla Tripura deilang ya uwa na Tripura deiwa kylli na oo lada toh u President ka China, da thooh ki pulit ka Delhi oo hadien wa poor i Video wa leh u yeini.
Ha ini Video da yoo ya uni u bru uwa da khublei kti ya uwi u bru deiwa kylli ya oo lada toh u President ka China wei da jubab u toh uwa na Tripura tangwa uni u bru da kylli u deiwa ong “Chudpura?”
Wei da kylli ma kylli u na uni u bru deiwa ong neiwon ka ri mi? Ka Chudpura?
Da ong u leh ya uni u bru wa miat dur u kam u Michael Jackson. Da klam u leh ki ktien wow pynbaad ya uni uwa na Tripura wa man u kam u Gay.
Neiliang u MP ka Arunachal Pradesh, u Kiren Rijiju da dawa u na ki pulit ka Delhi wow pynchitom ya uni u bru neibhah lada chah u leh u kamni daw nang joor i.
Hadien ini da chem wa uni u bru toh uwa tip kam u Amir Shokeen wei ki pulit leh da lai ki cha ka yung ka sem u yow lai thooh oo.
Mar ya tip ya yeini, uni u bru da pynmih u yei Video wow ong wa leh kyndeh donhi u wei da paanmaap u leh na uwa na Tripura yeini i rukom leh khynnah u.
Neiliang u payu u Amir da ong u wa u Amir toh uwa da em boon tylli ki Case pyrchah ya oo neidaw wa dawa poisa wei tooh u yei thaw i bhaw ki bru wot i yong oo kam u payu u wei kam ka yung ka sem ym em de yaklam ki wa oo la 12-14 snem.
Ki pulit ka Special Unit for North Eastern Region (SPUNER) ka Delhi Police da pyntip ki wa da tip ki yeini ynnin i miet wei da pyntip ki cha ka IFSO Unit ka Delhi Police.
Discussion about this post