Ka 1st Division 2026 kawa tip leh kam ka Hajan Shylla Memorial Football League ka Thadlaskein Sports Association (TSA) da pteiñ ka ynne da kawi ka yalehke wei da pyndep leh ya ka Final ka Joybell Suiam Memorial Football League kawa man leh ka 2nd Division 2026.
Ka yalehke da sdang da ka 1st Division heiwa ka Khliehtyrshi da jop ko ya ka Malngiang Mookyndur da 2-0 da ki kool wa thap u Heiyo Kharsyntiew ha ka minit wa 54 wa u Dalang Dkhar ha ka minit w 67.
Ka yalehke Final ka 2nd Division won da pynman hapyrdi ka Shillong Police wa ka Mupliang Goodwill FC heiwa ka Shillong Police da jop ko da 3-0 kiwa thap da u Angisius Mukhim ha ka minit wa 31, u First Pillar Suchiang ha ka minit wa 69 wa u Iarboklang Kshiar ha ka minit wa 70.
Yei naam Best Goalkeeper da jop u Wankerlang Marboh, yei naam Man of the Match da yoh u Iarboklang lshiar, yei naam Top Scorer da yoh u Iohbor Nonglyer (22 Goals) wei kini waroh toh kiwa yalehke ka Shillong Police.
Da wan wow pynhaap pyrda ya kani ka yalehke Final da u Jesse Suiam, MDC ka Modymmai Nongkhroh deiwa emlang kiwa kitkaam ka TSA nadooh u President, u Kmenlang Shylla, u Secretary, u Ebormi Lyngdoh, u Vice President, u Eberist Pariat, u Treasurer, u Pyrkhat Lamare heiwa ya ka yalang da pynlai da u Mutshwa Thabah, Vice President ka TSA.
Discussion about this post