Uwi u bru uwa em 38 snem i rta uwa em ya iwi i dukan dai baam wa thiang (Sweet Shop), da yap u hadien wa chah tyrrah ha kawi ka kari Audi kawa pynhær bha heipor wa dang lai luti u da kawi ka thuk thuk chirup wa uwi iwa da jia hei pyrdi synyaaw ka 20 tarik uni u bnai ha thaaiñ Banna Devi, Aligarh ka Uttar Pradesh.
Kani ka kari toh kawa mantre da u Devrah Singh uwa da jooh man kam u District President ka BJP Aligarh kawa da yut na ini i thaw wa jia ini.
Ya ini wa jia da yoh wow riñ da ka CCTV heiwa kani ka kari kawa pynhær bha da wan ko wow tyrrah ya ka thuk thuk nadien heiwa da sied kiwa chong wei da haap ki ha sarok. Ha ini i por kani ka kari da dong ko cheiliang wa em ka thuk thuk wa uwa yah ha sarok heiwa da yooh ko ki.
Ki paidbah wa yoo yeini da wan ki wow yarap heiwa da kawang moo ki leh ya kani ka kari kawa da yut na ini i thaw.
Ini da jia i du neidaw wa chrai donhi yeiwa pynkieh Horn wei chim Pass heiwa uni uwa yah ya ka thuk thuk uwa tip kam u Manoj da yania u wa kiwa em hapoh ka Audi wei hadien ini da kdong ki ya kani ka thuk thuk hadooh wa chem heiwa da tyrrah wei yooh ko leh ya uwa yah hadooh wa yap.
Uwa chong hadien uwa tip kam u Kanhaya uwa da sied leh najrong ka thuk thuk da mynsoo u malu mala donhi wei da khana u yeiwa jia wa em i yania wa kini kiwa em hapoh ka kari Audi chwa u jia ini.
Neiliang ki pulit da Register ki da ka Murder Case tangwa ym pu tip uyi wa yah ya kani ka kari heipor wa jia.
Ki pulit da pyntikna ki wa kani ka Audi toh ka yong u Devraj Singh tangwa ka Phone u toh kawa da tympleh.
Ki pulit da pyntip ki leh wa u Manoj da yap u ha Hospital wei toh uwa chong chnong ka Gabhana wei heipor wa jia dang mut u wow lai cha Aligarh.
U Aligarh BJP District President uwa kattæ, u Krishnapal Singh da pyntip u wa u Devraj Singh da jooh man u kam u District President nadooh u 2013 hadooh u 2016 wei kattæ ym em ksoh u kawon kawon ka Post tangwa dang man hi u kam u heh ka BJP.
Discussion about this post