Ka 1st Division ka East Jaintia Hills District Football Association 2026 kawa tip leh kam ka Thomas Nongtdu Memorial Trophy da sdang ko ya ka yalehke Quarter Final ynne ka sngi.
Ka Quarter Final wa nyngkong wa da pynman toh hapyrdi ka Khliehriat East YWSC wa ka Rymbai Iawpynsing SC kawa da kut da 2-2 hadooh wa kut i por.
Ya ka Khliehriat East da thap kool lyngba u Roikhihbha Nongtdu ha ka minit wa 31(P) wa ha ka minit wa 62 katwa ya ka R. Iawpynsing da thap da u Emaroy Dkhar ha ka minit wa 71 wa u Mebankyrkhu Dkhar ha ka minit wa 80. U Roikhihbha Nongtdu da yoh u leh yei naam Player of the Tournament.
Kamtæ da pynman dei yachut Tie-Breaker heiwa ka Khliehriat East da jop ko da 3-2 yow psiah Semi Final.
Ka Quarter Final wa ar da kut ko da 0-0 hapyrdi ka Rymbai Synrangshahkhain SC wa ka Lumshnong YWSC, wei ha kani leh dapoi chei yachut Tie-Breaker heiwa ka Rymbai Synrangshahkhain da jop ko da 4-3 yow psiah Semi.
Yei naam Player of the Match da yoh u Raplangki Lyngdoh na ka R.Synrangshahkhain.
Ki Quarter Final wa bood u pynman ha ka 28 tarik hapyrdi ka Lad Rymbai Dongwah SWSC wa ka Musniang SC (11:30 AM) wei daw pynbood da ka Khliehriat West YWSC wa ka Deinshalalu SC (2:30PM).
Discussion about this post