Ka Sawakani Lakiang kawa na Tpep Pale, Jowai sa chisien da wanrah burom ko ya ka jylla wei ha kani ka kynti won ya ka ri deiwa jop ya ka Gold Medal ha ka Bikini Model Bodybuilding yong ka South East Asia Championship kawa da pynman ha Pattaya, Thailand ha ka 24 wa 25 tarik uni u bnai da ka World Fitness Federation South East Asia.
Ka Sawakani da chimbynta ko deilang ki ar ngut ki chynrang kiwa na India kitæ u Pritam Sunar uwa na Meghalaya uwa da yoh yei naam Overall WFF South East Asia Title deilang ka International Pro-Card ha ka Men’s Bodybuilding wa u Dr. Amit Kumar Talukdar uwa na Assam uwa da yoh ya ka Group Champion (Gold Medal) wa ka International Pro-Card ha ka Superbody Category.
Ka Sawakani da jop ko ha ka Junior Category heiwa kiwi de ki Category toh ka First Timer, Open, Masters wei neibynta ki kynthai da chimbynta ki ha ka Bikini Model, Sports Model, Ms Glamour, Figure, Latino wa Monokini.
Ha uni u snem najrong ki ri wa em ha South East Asia da chimbynta deilang ki ri wa em ha South Asia wa kynthup ya ka India wei da em leh wot na Japan kiwa da wan wow chimbynta
Ka Sawakani hapoh India da jop ko boonsien deiwa yoh khur takma ksiar hei yakob pynyoo dohksah ka World Fitness Federation Body Building SAARC Women’s Bikini Model Category, World Fitness Federation wa pynman da ka South Asian Association for Regional Cooperation ha Mumbai ha ka 19 tarik u bnai May 2025.
Dadep ko leh wow yoh tamka rupa wa i takma tama deiwa yoh wa ar ha ka kyrdan Women’s Sport Model wei da yoh wa le ko ha ka Bikini Model ha ka yakob pynyoo doh ksah kawa tip kam ka Mr & Mrs India kawa da pynman ha Jaipur, Rajasthan kam chibynta ka 11th National Bodybuilding & Fitness Championship 2023.
Discussion about this post