Shillong: Uwi u bru uwa tip kam F.D. Rynjah, OSD, Uranium Corporation of India Limited (UCIL) da ujor FIR u wa ha ka step ka 19 tarik heipr chi waje uni u bnai ki damok da pyrchang ki u thang ya ka Guest House ka UCIL wa em ha Wahkaji, South West Khasi Hills.
Hei yatoh wa ini da kop diñ le tylli khiandwar wa ki pyrda da iñ ki. Ki heh ka UCIL da ujor ki leh hei yatoh wa ini wei ki pulit dang pynman ki ya ka takit.
U Rememberme Dkhar na Wapungskur, EJH da ujor u wa ki pulit wa 8 bnai nachwa uwi u bru wa tip kam u Walambod Fedolina Jahrain da chim u ya ki kot ki sla yong oo ha Laitumkhrah, Shillong heiwa da kular u wa daw pynyoh kreh ya oo wa ka company Vodafone tangwa hadien wa li paan ya ki kot ki sla na oo da ong won u wa da wiar lut ki.
Ki le ngut ki bru won wa tip pyrtuid kam u Benjamin Marak, Brilan D Momin wa u Rakhil D Marak da dat ki ya uwi u bru wa tip kam u Sonohar Ali Laskar wa em 30 snem i rta ha Polo Bazaar, Shillong hadooh wa da mynsoo joor u. Ki pulit da kem ki ya waroh kini ki le ngut.
Ha ka miet yong ka 19 tarik won heipor 9 waje ka wi ka Bolero Pick-up wa em ya u number ML-05N-0428 da noh ko cha synrang heiwa da dooh yei mynsien yong ka Ani Mary Kharkongor wei da mynsoo arngut.
Ha ka 17 tarik won heipor 12:30 chiteiñ synyaw da chah tooh kawi ka thuk thuk wa em ya u number AS-01BT-2418 ka yong u Vivek Shahi na ka chnong Iongkhuli ka wa em hapoh ka Pilangkata Police Outpost ha Ri-Bhoi District.
Ha iwi tawon i jia da chah tooh biang kawi ka thuk thuk wa em ya u number ML-14-1700 ka yong u Lithan Debnath na ka chnong Chellapara ka wa em hapoh ka Ampati Police Station, SWGH.
Ka Sima Rai na Ladrymbai Datsympein, EJH da ujor ko wa ha miet ka 16 tarik uwi u bru wa tip kam u Binod Pradhan da choh da dat u ya ka kamjooh leh ya ka khon khian yong ka wei da maham u leh wow tynyap ki.
Discussion about this post