Ka Meghalaya Police da kyntu ko ya ki paidbah ka jylla wow Phone ha u 112 ha kiwon kiwon ki kaam wa jhan (Emergency) nadooh i emkaam yarap na ki pulit, hawa iñ kamjooh ki jia wa chah ktah ha ki bor ka mariang.
Ya ini da kyntu da ka Office ka Director General of Police deiwa kyrpaad wow Phone ha u 112 uwa man u Emergency Helpline hapoh ka Emergency Response Support System (ERSS), ya uwa da booh kyrpang neibynta wow kreh kiwa boon ki chnat lyngba uwi donhi u Number.
Ini toh hajrong i thmu wow pynche paidbah wa emkaam u em uwi donhi u Number wa kyrpang namo u Unified Helpline wow pynsuk ya ki paidbah hawa em ki kaam wa jhan.
Da ong leh wa nachwa da joooh pynmih ki Number ki Police Control Room kam u 2226101 wa u 2222217 deilang u Fire Service Numbers 101, 2227000 wa 2520400 heiwa ya kini da jooh pynmih ha ki kot khubor kiwa man kam ki Telephone Number wa emkaam.
Tangwa yow pynsuk won ki paidbah da kyntu ya ki wow Phone ha u 112 heithaw kitai ki Number wa da kdaw haneiñ neibhah u 112 e u i jooh i yarap.
Discussion about this post