Ka United Arab Emirates (UAE) ynne da pynkup burom ko ya u Pilot na India, u Captain Smit Machchhar wa kiwa kreh ka Flydubai kiwa da yakhun pyrchah ya u Co-pilot wa thmu wow yahbor ya ka lieñsuiñ ha ka 30 tarik u September.
Hanlada mynsoo joor deiwa chah pam da u sdai ha u Co-pilot, u Machchhar da ye u wow wai ya ka dwar ka Cockpit iwa e laad ya kiwa kreh wa kiwa chong ha ka lieñsuiñ wow khanglaad ya u Co-pilot wow leh u yeiwa da mut u deiwa pynhaap ya ka lieñsuiñ ha Israel.
U President ka UAE, u Sheikh Mohamed bin Zayed Al Nahyan da pynkup burom u da ka First Class Order of Zayed II ya waroh kiwa kreh wa pynyoo ki yei sap yong ki hawa em i kaam wa jhan.
Ya ki burom da pynkup da u Sheikh Hamdan bin Mohammed bin Rashid Al Maktoum, Crown Prince of Dubai, Deputy Prime Minister, Minister of Defence and Chairman of Dubai’s Executive Council.
U Sheikh Mohamed bin Zayed da yachem u leh wa kiwa kreh ha ka lieñsuiñ hei emlang u Sheikh Mohammed bin Rashid Al Maktoum, Vice President, Prime Minister and Ruler of Dubai.
Kam wow pynkynmoo wa hapoh kani ka lieñsuiñ da em kamwa 150 ngut ki bru kiwa boon na Israel wei kiwa mut wow hiar ha Tel Aviv Airport, Israel.
Discussion about this post