Hadien 43 kynta wa yoh ki 17 ngut ki koidi (Undertrial Prisoner) u yut napoh patok ka Thekkampatti Jail wa em hajan ka Andipaattu ka Theni District ka Tamil Nadu, neiliang ki pulit da yoh biang ki wow kem ya kini waroh.
Kini ki koidi da yoh ki wow yut hei miet ka 26 tarik uni u bnai deiwa pynleh wa khairiñ uwi na ki wei manda wan ki Guards wow wai ya ki Gate wa em le tylli deiwa ieh ki khlem khang, da yoh kini ki koidi wow khyrrup ya kini ki Guards deilang ki chabi heiwa da mih ki deiwa suk napoh ka patok.
Kani ka Jail toh kawa em 334 ngut ki koidi iwa man da khynnia bha heiwa ye wow kset 200 ngut donhi.
Ha ini i por wa jia, u Prison Superintendent da liwan u, uwi u Guard da mih u cha lait yow thied baam wei waroh ki 9 tylli ki Watchtower ym em bru ki wei iwa eh dooh toh ka Main Gate da ieh ka deiwa wai.
Na kini kiwa yoh u yut, ar ngut toh kiwa dang chah kset hapoh 24 kynta heiwa uwi toh uwa da chah pynngat hapoh ka aiñ POCSO.
Hei thooh ya kini ki koidi da yoh wow kem chwa 15 ngut heiwa ar ngut da wan pyndem ki ynne ka sngi.
I takit da chem wa kini ki koidi da yoh ki wow yut heipor kamwa 10:00 waje i miet ka 26 tarik heiwa ki 5 ngut da yoh wow kem ki ha ka step ka 27 tarik, 8 ngut won hei janmiet ka jooh ka sngi.
Yow chem ya kini kiwa yut, ki pulit da pynemkaaam ki da ki Drone yow chem ya kini ki koidi kiwa da rieh hapoh khloo.
Hadien wa jia ini da chah Suspend 9 ngut kiwa kreh hapoh ka Jail.
Tangwa hawa jia ini waroh da chem leh wa da duna ware kiwa kreh heiwa da em Duty du 4 ngut heithaw 9 ngut katkam wa toh u em.
Discussion about this post