Ka 1st Division 2026 ka Saipung Block Sports Association (SBSA) dapoi noh ko cha wakut ha ka 7 tarik uni u bnai da ka yakhun Final hapyrdi ka Evanylla FC wa ka Kremmyrsiang kawa da pynman ha madanbol ka SBSA wa em ha Lamyrsiang.
Ka yalehke hadooh wa kut i por da kut ko da 2-2, kamtæ da pynman da ka yachut Tie-Breaker heiwa ka Evanylla da jop ko da 5-6.
Ki ar kool ka Evanylla da thap da u Ringston Shylla ha ka minit wa 8 wa ha ka minit wa 47 katwa ya ka Kremmyrsiang da thap da u Nikison Chyrmang ha ka minit wa 29 wa u Prawisan Chyrmang ha ka minit wa 65.
Yei naam Player of the Tournament da lai ko cha u Damian Bareh na ka Evanylla, i naam Top Scorer da yoh u Nikison Chyrmang na ka Kremmyrsiang katwa yei naam Best Goalkeeper da yoh u Ardifini Shylla yong ka Evanylla.
Kini ki ar liang kattu da yoh ki wow ku cha ka Super Division ha u snem wow wan.
Ya kani ka yakhun Final da wan wow sakhi da u Seibor Bamon kam u kongsan deilang wa u Anthony Dong kam u symbood kongsan.
Discussion about this post