Phah ka Consumer Commission ya ka Hospital wow su Rs.15.5 lak cha uwi neidaw wym ye u pynbiang Ambulance

Ka Delhi State Consumer Disputes Redressal Commission da hukum ko ya ka Metro Hospital & Heart Institute wow su Rs. 15.50 lak ka bai lutsan cha ka manyung wa kynthup ya ka Rs 50,000 neibynta ka bai mukotduma neidaw wa duna i chakri yong ka.

Ha ka ujor yong u bru uwa chitom klongsnaam – Rheumatic Heart Disease (RHD), heiwa da chah sumaar u wow lait na ka Stroke ha All-India Institute of Medical Sciences (AIIMS) ha ka 25 tarik u November 2008 deiwa lai booddien langær ha AIIMS.

Ha ka 13 tarik u November 2013 da chitom u wow riñ mynsien wei da kit ya oo cha Metro Hospital & Heart Institute heiwa da leh ya ki Test wei da chem wa lang snaam wei chah kset ki thied snaam u (Blood Clot) wow lai cha u klongsnaam. Kamtæ ki Doctor da phah sah ki oo ha ka Hospital deiwa kular wow chait noh u hapoh 2-3 sngi.

Hadien kattu katni sngi da rap chitom chooh u wei da phah cha kawi ka Hospital heiwa ka Ambulance wa kit ya oo da slem ko wei ym biang ko ya ki tiar wa emkaam kamjooh ym em Doctor wow synraan ya oo.

Related posts

Chiboon chah khooid ka la’ær ha Shillong bar ha Delhi hadien ka Diwali

November 10, 2026

Da ka Street Play chaphang wow pynsñiawthooh yei maa nei pynemkaam bakla ya ki dawai da lehkmen Pharmacy Week ha Jowai

November 10, 2026

Kamtæ neini i slem uni u bru da chitom Stroke u wei ymye de u wow klam kamjooh da dooh u yei bor wa jooh em u kamwa dang khlan u. 

Ka President ka Commission ka Sangita Dhingra Sehgal chirup wa ka dkhot da pynmih ki ya ka hukum wa nei khalær i krehkaam ka Hospital wow phah ya uni u bru da chah kiwi ki thaw sumaar da booh ya oo hei maa kamtæ da phah ya ka Hospital wow su Rs. 15.50 lak cha ka manyung. 

Ya kani ka poisa toh u su chwa ka 6 tarik u January 2027, wei lada ym su daw toh ki ya ka sut kawa 9%.