Pynlait paidbah ka Dorbar Chnong Ialong ya ki Ticket Lucky Draw yong u snem 2026

Kam chibynta ka Fete yong ka Dorbar Chnong Ialong kawa tip kam ka “Festival of Cloud” kawa daw pynman neibynta u pynmih poisa ya ka School Managing Committee ka Ialong Secondary School, kamtæ ynne ka sngi ka Dorbar Chnong Ialong, da pynlait paidbah ko ya ki Ticket Lucky Draw iwa da wan leh da u Samson Pohthmi uwa man leh kam u Superintendent of Taxes yong ka East Jaiñtia Hills District, chirup i sakhilang ki Executive Member yong ka dorbar chnong hei emlang u Waheh Chnong, Secretary Chnong kamjooh ki Executive Member ka chnong.

Ya ka Lucky Draw daw pynkhle ha ka 11-12-2026 ha Madan Latein, Ialong ha chrooh u sarok NH6 hajan ka Lay Bye Market.

Ki Prize man ki kmani: 1^st Prize-Rs.1,00,000, 2^nd Prize Rs. 50,000, 3^rd Rs. 20,000 deilang ki 5 tylli ki Consolation Prize kiwa mar Rs.2000 kawi.

I dor Ticket man i Rs. 20 chi sla wa Rs.200 chi Book.

Related posts

Khut sñiawbha ka Marianhill HS School cha ka Fete wa ar sngi

November 10, 2026

Da khut ya kiwa kwah u thied Stall neibynta ka Pdeiñ Mookhim Tourism Festival 2026

November 9, 2026

Neiliang u kongsan hawa e yei klam da kitbok kitrwiang u ya ka chnong Ialong yow man kani ka Fete kawa yoh nong kamjooh kawa jop.

Ha kani ka yalang da e i klam neiliang u Waheh Chnong ka Ialong, u T. Ram Phawa heiwa da khana u ya ki yurim wa pynman ya kani ka Fete neibynta u pynmih poisa yow su tulop ya kiwa sikai kamjooh yow pynchna ya kiwa boon kiwa da sih ha kani ka skur wa pynlai da ka Dorbar Chnong Ialong.

Heijooh i por da khutlang u ya ki lok ki jor najan najngai wow wan sakhi ya kani ka yaaw Fete yong ka chnong, heiwa ha kani ka yaaw Fete daw em leh chiboon ki jait pynwyrngia nadooh ki jait baam wa boonjait hadooh ka Bumper Housie ha i dor waheh dooh katwa ka Ticket won hei dor wa jem.