U phria ynnin ka 11 tarik da haap u ha ki kattu katni ki thaw heiwa ha ki thaw wa man sor da man ko kamwa lehkmen tangwa cha ki chnong wa em thaw rep da man ko i sñiawsih kthang khamtam ka chnong Lakasein, East Jaiñtia Hills heiwa heipor kamwa 12:46 hadooh 1:36 i sngi da wan u phria deilang u slap wa joor heiwa da chah ktah ki thaw rep kamjooh ki yung wa sah ki bru.
Neiliang kiwa rep da pyntip ki wa da sepai ki lyngkha kba deilang u chirmit Lakadong wa u syiñ kamjooh ki jhoor wa thung ki yow pynemkaam man-ka-sngi.
Ki tnoom yung leh kiwa boon da pai thlu lut nei bor u phria heiwa ka um leh da psiah ko chapoh yung.
Neiliang u Secretary ka chnong, u WB Paslein da pyntip u wa ki yung wa da pai nei haap u phria da em ki 67 tylli wei da antaad i lutsan hadooh ki thaw rep dapoi ko kamwa Rs. 13,40,000.
Kamtæ da kyntu ya ki chnat sorkar wow pynman yei lai pait lai sylli ya kini ki thaw wa chah ktah khnang yow tip yei eh wei chitom ki paidbah kamjooh wow e yarap cha ki manyung kiwa chah ktah.
Discussion about this post