Ki yalehke ka Thadlaskein Sports Association (TSA) da pteiñ ki ynne da ka yaleh Quarter Final wa le ka 1st Division wei da pynbood sa ka yalehke Super Division.
Ha ka Quater Final, ka Evergreen SC da jop ko ya ka Bamkamar SC da 7-0 da ki kool wa thap u Teddyson Bang ha ka minit wa 16, u Kitbok Phawa ha ka minit wa 22 wa 70, u Felixson Bang ha ka minit wa 61 wa 67 wa u Robert Syngkon ha ka minit wa 74 wa 76.
Ha ka Super Division, ka Ummulong SC da jop ko ya ka Nongkhroh Krem Kum da 4-3. Ya ka Ummulong da thap da u Hamjngai War ha ka minit wa 21, u Lamphrang Dkhar ha ka minit wa 32, 41 wa 70 katwa ya ka Nongkhroh Krem Kum da thap da u Badap Lawai ha ka minit wa 50, u Anthony Mynsong ha ka minit wa 52 wa u Andy Kmah ha ka minit wa 86.
Mynstep u em du kawi ka yalehke da ka Quarter Final wa khaddooh ka 1st Division heipor 10:30 i step hapyrdi ka Khliehtyrshi SC wa ka Niriang SC.
Discussion about this post