U Chief Minister ka jylla, u Conrad K Sangma, ynne da sdang u ya ka Repair, Renovation and Operationalization Scheme of Tourism Properties for the 39th National Games, 2027 wei da saam u i yarap poisa hapoh ka Enhancement of Wayside Amenities Scheme cha kiwa em ya ki thaw baam harood sarok ha ka yalang wa pynman ha Banquet Hall ka Pinewood Hotel, Shillong.
Ha ka yalang u Conrad da ong u wa kani ka Scheme toh ka wow yarap ya kiwa chongdai harood sarok, kiwa ym chemsap ya i rukom pynlai poisa wa i artatien wow pynlut poisa ha i dai i thied khamtam neidaw wa ki kaam uiñke suwari man kiwa wan dei samoi.
U Conrad da ong u wa ki thaw uiñke ha Meghalaya em ki ha waroh ki 12 District wei ki bru chwa wow lai na Shillong, Sohra, Dawki, Nongstoin, Jowai næ Tura emkaam ki ya ki thaw wow baam, u chong ngiah, wow pynemkaam paikhana ha luti deiwa pynrap wa kam kini man ki kiwa emkaam bha ya kiwa lai luti wa kiwa wan uiñke heiwa da ban joor u wa emkaam ya ki paikhana wa khooid, ki thaw sangeh kari wa chngaaiñ kamjooh ki baam wa bang wa kiwa miat.
Ha kani ka sngi da e Rs. 5 lak samen cha ki 48 ngut kiwa pynlai ya kam kini ki thaw iwa da kynjoh Rs. 2 klur kiwa kynthup ya ki dukan dai baam wa em ha ki sarokbah nadooh ki National Highway, ki State Highway wa ki District Road heiwa ka poisa toh wa da mang neibynta wow chna ya ki thaw chong wow baam, ki kamra chet, ki paikhana wa khooid, wow pynche bordiñ wa kiwi wei waroh ki tre toh kiwa na ka jylla hi kiwa pynlai ya ki.
Ya kiwa yoh myntoi da yooluti wow pyndep ki ya ki kreh na kani ka poisa deiwa bood ya ki kyndon wa da booh da ka sorkar heiwa ymtoh u khang yei duna hapoh san snem nadooh wa yoh yarap na ka sorkar heiwa daw hap ki leh wow booh leh ya ka chaap ka Meghalaya Tourism, ki Helpline Number wa kiwi de kiwa emkaam kiwa uiñke.
Discussion about this post