Ka sorkar Meghalaya ym pyndam næ kyrriah ko ya ka Shillong Ropeway Project du neidaw wa tieñ khlem yurim, da ong u Deputy Chief Minister In-charge Home (Police) u Prestone Tynsong deiwa pynrap wa ka dwar man ko kawa wai khnang wow yoh u yaklam.
Hajrong i yakhih ka Joint Action Committee (JAC) haphrang Secretariat wei lada u khut yaklam ka sorkar ya kini kiwa yakhih, u Prestone da ong u wa ka dwar man ko kawa wai wow yaklam deiwa pynrap wa da em i yaklam la 3-4 sien.
Da ong u wa lada ka Project kawa heh næ kawa khian hawa khaddooh hi toh neibynta i bha ki paidbah ka jylla deiwa wan kani ymtoh ka wow pynroi ya u Prestone, u Conrad næ Sniawbhalang.
Heiyatoh wa i dawa ka JAC wow pyndam næ wow kyrriah ya ka chawi, u Prestone da kyntait u yeini waroh.
Da ong u wa ya kani ka Project da pynkhreh da slem wei da pait da sylli bha ya i thaw da ki bru chemphang heiwa wot ki leh da e ki ya ka bui (Report) wa chem ki.
U Prestone da ong u wa ka sorkar da pynkhreh janai ko ya ka Project wei emkaam u yaklam wow pynyoo pynche yeiwa artatien waroh deiwa kular wa ym sngat ki tyllong um.
Discussion about this post