Ki ar ngut kiwa chi payu wa ka manbei wa u khon kiwa lai luti da ar tylli ki kari da chah siat yap ki ha i bynta wa tip kam i New Heaven u sarok NH-202 (Imphal-Ukhrul Road) wa dang haap hapoh ka Litan Police Station ka Ukhrul District ka jylla Manipur.
Ini da jia i ynnin ka sngi heipor kamwa 1:00 waje i sngi heiwa ki chi payu kiwa tip kam u Kapangkhui RS wa u Haoleia RS toh kiwa lai luti da ka Bolero Pickup kiwa na chnong Shangshak katwa kiwa chi bei chi khon toh u August Ngalung wa ka Khanmila kiwa lai luti da ka Maruti Swift kiwa na chnong Tashar.
Kini ki soo ngut da yap ki pyn ha ini i thaw wa jia hi wei neiliang ki pulit ka Manipur deilang ki bru ka BSF, Army wa Assam Rifles da wan ki cha kani ka thaw yow thooh ya kiwa emkti.
Kini ki soo ngut kiwa yap toh ki jaitbru Naga wei ini da jia i du hadien chi sngi wa em kawi ka kynthai Kuki kawa tip kam ka Kimneineng Chongloi (42 snem) da yap ko wei da em ar ngut kiwi ki bru kiwa da mynsoo hei yasiat hajan khappood ka Senapati-Kangpokpi.
Discussion about this post