Ynru ngut ki bru da mynsoo ki, kiwa kynthup ya 5 ngut ki bru paidbah wa uwi uwa kreh ka Forest Department hadien wa kiwa kreh ka chnat da siat suloi ki wow beh ya u hati khloo cha i khloo ha Dighalbaree Jogimukh ha Hojai District ka jylla Assam.
Ini da jia i ha i miet ka 16 tarik heipor wa kiwa kreh ka Forest Department da wan ki wow yahluti ya uni u hati cha khloo wei ha ini i siat da mynsoo san ngut ki bru paidbah kiwa wan sakhi ya ini i beh hati.
Ya kiwa mynsoo da tip kam u Rajib Sinha (40), u Saidul Islam (19), u Rajul Hussain (20), u Rajikul Islam (23) wa u Kabir Uddin (20).
Hadien ini ki paidbah najan dei chrai da sdang ki wow dat ya kiwa kreh ka Forest Department heiwa u Anwar Hussain (39) da mynsoo u.
Ya ki 6 ngut da kit cha HAM Hospital ha Hojai wow yoh ki yei sumaar.
Ka yutip da ong wa uni u hati da uiñ u ha Garkaptani Road nadooh i por sngi wei da lai u 10 km iwa pynman ya kiwa kreh ka Forest Department wow beh ya oo cha i khloo ha Dighalbaree.
Ki paidbah da pynbaad kiwa kiwa kreh Forest heithaw wow siat ki cha suiñ da siat pathan ki chei thaw wa em ki paidbah tangwa kiwa siat won ong ki wa siat ki cha suiñ wei ki paidbah da toh ki neidaw wa sied i Gunpowder.





Discussion about this post