Ka Amlarem Football League 2026-27 wa pynman da ka Amlarem Sub-Divisional Sports Association (ASSA) da pteiñ ka ynnin ka sngi da le tylli ki yalehke 3rd Division wa kawi ka Super Division heiwa ynne ka sngi ym em pynman yalehke.
Ka yalehke wa nyngkong ka 3rd Division da kut da 0-0 hapyrdi ka Langshiang Amsyrwai wa ka B.C. Padu Shnongpdeng.
Ha ka yalehke wa ar, ka Hynriam SC da jop ko da 6-0 ya ka Ladjaplem SC da ki kool wa thap u Triostar Kassar ha ka minit wa 4, 16, 20 wa 52, u Lesterket Kassar ha ka minit wa 13 wa u Wannam Kassar ha ka minit wa 50.
Ha ka yalehke wa le, ka Thaw u Sdiah United da jop ko ya ka Mawlong SSC da 1-0 da ka kool wa thap u Kamhah Nyalang ha ka minit wa 35.
Ka yalehke ka Super Division da kut ko da 2-2 hapyrdi ka Amlarem SC wa ka YC Pdengkarong. Ya ka Amalrem da thap u Bisen Suting ha ka minit wa 14 wa u Hoping Langshiang ha ka minit wa 82 katwa ya ka Pdengkarong da thap da u Special Nongrum ha ka minit wa 38 wa u Batskhem Pohshna ha ka minit wa 46.






Discussion about this post