Iwa man i dak wow pynsakhiat wa ka jylla Meghalaya da yoh ko yei tipmit kam kawi na ki thaw uiñke suwari wa bna naam ym du ha India tangwa hapoh pyrthai leh kamjooh, neiliang ka BBC da pynmih ko yei pyrtuid ka Meghalaya hapoh ka thup, “The 20 Best Places to Travel in 2027” heiwa yeini da jied da ki Travel Editor, ki Journalist wa kiwa em hei kaam Tourism kiwa da pynmih ya kani ka thup chisien chi snem deiwa jied ya ki thaw wa embynta kiwa chong chnong kiwa pynlai ya ki thaw uiñke suwai, kiwa em ya ka mariang wa miat kamjooh ka dustur riti kawa dang im.
Ka Meghalaya toh du ka donhi kawa mih pyrtuid na India wei da em ko chirup wa kiwi ki thaw wa bnaam naam ka pyrthai nadooh Sardinia, Madagascar wa New Zealand.
Ha ka BBC da ong wa ya ka Meghalaya toh kawa tip kam ka “Abode of Clouds,” wei man ko kawa em i stat yongrim deiwa man leh kawa pdiang yeiwa thymme wei ki thaw uiñke suwari toh kiwa pynlai da kiwa chong chnong hi.
Da e nongmuna leh ya ki Living Root Bridges kiwa da im da ki spah snem heiwa da yaroh bha ka BBC yeini kamjooh ki loom ki wah.
Da yaroh leh yei yarap ka sorkar ya ki 1000 tylli ki Home Stay yow pynbha pynmiat ki kam chibynta ka 39th National Games kawa daw man ha u March 2027 wei deiwa leh kamni waroh ka nong ka poisa lai bait ko cha kti kiwa chong chnong khamtam kiwa im cha palatsor.
Waroh ki thaw ha pyrthai wa da pynmih pyrtuid ka BBC hapoh ka thup ‘20 Best Places to Travel in 2027, man ki kamni:
1. Meghalaya, India
2. Madagascar
3. Québec City, Canada
4. Ise-Shima Peninsula, Japan
5. St. Helena (South Atlantic)
6. Salvador, Brazil
7. Okefenokee Swamp, United States
8. Burgundy, France
9. Ghana
10. Daintree Rainforest, Australia
11. Bohinj, Slovenia
12. Unst, Scotland
13. Gangwon Province, South Korea
14. Alberta, Canada
15. Sardinia, Italy
16. Christchurch, New Zealand
17. Harghita County, Romania
18. Cordillera Blanca, Peru
19. Almaty, Kazakhstan
20. Nagato Yumoto Onsen, Japan
Ka sorkar jylla toh kawa da pynkrehkaam ya ka Chief Minister’s Meghalaya Homestay Mission, kawa yarap ya kiwa chong chnong wow sdang ki thaw sah wot cha ki thaw wa em chakdong dooh ka jylla yow pynsuk ya kiwa lai cha ki thaw wa jngai na ki thaw wa man sor yow ye kiwa uiñke wow lai pait ya ki khloo ki kjam, u lai Trekking, u lai pait ya ki krem wa kiwi de kiwa em hapoh ka Khasi, Jaiñtia wa Garo Hills.






Discussion about this post