Ki chipai ka Central Industrial Security Force (CISF) ha ka 18 tarik uni u bnai da kem ki ya uwi u bru wa psiah yabor chapoh ka Terminal-3 ka Indira Gandhi International (IGI) Airport New Delhi khlem ki kot ki sla wa biang.
Ini da jia i heipor 3:00 waje i sngi ha ka thaw psiah chapoh ka Airport wei ya uni u bru da tip Kunal uwa na Sonipat, Haryana wei da e kti noh ya oo cha ki pulit ka Delhi Police wow leh yeiwa emkaam.
Ki pulit da chem ki napoh ka muna u Kunal ya ki ID Card, Mobile Phone, ki kot puræ, ki Sports Certificate wa ka Form wow lai puræ.
Uni u bru toh u Athlete uwa leh Training ha West Bengal wei uwa kwah bha u lai cha baar ri hanla ym em u ka Visa kamjooh ki Ticket chong lieñsuiñ.
Neiliang ki pulit dang pynman ki yei takit hajrong ini.





Discussion about this post