Shillong : I booh ya ki yung Meghalaya House cha baar ka jylla toh neibynta i lai i wan ki heh sorkar wa kynthup ya ki Montri, ki sahep sorkar tangwa ya ki paidbah wa ki wa puræ won chong hei lait ki kamra, da ong u Montri ka General Administration u HDR Lyngdoh ha yung dorbar ynne ka sngi
Hawa jubab yeiwa da kylli u MLA u John Leslee K Sangma, u HDR Lyngdoh da ong u wa em 147 ngut ki wa kreh ha ki Meghalaya House ha New Delhi, Kolkata, Mumbai, Vellore wa Guwahati katwa ki wa e baam won em ki 88 ngut.
Em leh 24 tylli ki kari kiwa kynthup ya 13 tylli ha New Delhi, 8 tylli ha Kolkata wa mar mar kawi ha Guwahati, Mumbai, wa Vellore.
Hei yatoh wa ym yoh baam tynre na Meghalaya ha kini ki yung khamtam ki wasa’ang, u Montri da ong u wow pait u yeini.
Hachwa ini u MLA u Saleng K Sangma da dawa u wa ka sorkar da toh u e pyllai noh ko ya ki thaw baam næ ki canteen cha ki khynroo khyllood ki wym yoh kreh ka jylla kiwa da pyndep ya ki puræ chet kam ka hospitality wei ymtoh u e cha kiwa na baar jylla.
Discussion about this post