Shillong: U Secretary, Veterinary Council of India (VCI) (Addl. Charge) & Joint Commissioner, DAHD&F, Government of India, da pyntip u wa ka Veterinary Council of India (VCI) ym ye ko u pynman ya ka All India Pre-Veterinary Test (AIPVT)-2017.
Da ong u wa neni i daw wa ya ki 15% ki thaw purea (seats) wa da tipmit da ka Veterinary Colleges hapoh ka All India Quota yong u snem 2017-18 da pyndam ya ka na ki daw wym ye u kiar (administration reasons.)
Ki wa purea kiwa kwah u chim admission cha ki laiñ puræ BVSc & AH Course hapoh ka 15% Seat Quota ha waroh ka ri da haap ki u yaleh ya ka NEET (UG)-2017 ka wa daw pynman da ka Central Board of Secondary Education (CBSE) ha ka 7 Naisan.
Ka VCI leh da pyrkhat ko wow jied ya kiwa puræ cha ki 15% ki seat katkam i leh bha ki khynna ha ka National Eligibility cum Entrance Test (UG)-2017 (NEET (UG) 2017) yow ye u phah puræ ha ki Veterinary College (lait noh ya ka jylla Jammu and Kashmir) neibynta ki course BVSc & AH hapoh ka 15% All India quota.
Discussion about this post