Wanrah ka JHADC ya ka mang tyngka wa duna T. 1.52 klur

Jowai : Ka dorbar mang tyngka yong ka Jaiñtia Hills Autonomous District Council da wanrah ya ka ynne ka sngi da u Executive Member Incharge Finance u J.R. Pyrtuh.

Kani ka mang poisa ka Council duna ko kamwa 1.52 crore naka mang poisa heiwa da yooluti wow yoh du T. 139,19,96,100 katwa i mang u pynlut won da poi hadooh T. 149,72,04,900 neibynta u snem 2017-2018.

U Pyrtuh da pyntip u wa neiliang ka Executive Committee daw thooh ko ki laad ki luti wow pynmih ya ka poisa kawa duna.

Da ong u leh wa ka Executive Committee hadien wa chong pyrkhat bha ko da sñiaw ko wa emkaam u pynmih noh sa kawi ka tnat hapoh ka Council ya kawa daw tip kam ka Art and Culture ka wow pait kyrpang ya ka riti dustur hei lut wa mang T. 88.85 Lak, heiwa daw em 6 ngut ki wakreh wa uwi u sahep.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

I thmu wow wai ya kani ka tnat toh yow pynku yei ka-it kasar ki bru kamjooh wow yada ya ki riti dustur wada sikai da kiwa heh wa sian nachwa wei u pynku yei kaam uiñsawari.

Hachwa wow sñiaw yeini da em leh ka kynta wa kylli yukylli (Question Hour) wa da kylli da u MDC ka Jowai North u Marki Mulieh wei da yoh jubab na ki Executive Members.