U pyndep yeiwa emkaam waroh neibynta ka National Games 2022 : ong u Dr Mukul

Shillong: U Montri Rangbah ka jylla u Dr. Mukul Sangma da ong u wa ka sorkar daw pyndep ko ya waroh ki kaam chwa wow pynman ya ka National Games 2022 ha kani ka jylla.

Hawa pynche yeini yeiwa man pynkhreh ka sorkar wow pynman ya ka National Games haka jylla u Dr Mukul da ong u wa san snem ymtoh i por wa tbian næ jrong ya ka sorkar wow pyndep yeiwa emkaam neibynta ka lympung National Games ha u snem 2022.

Da pyntip u wa i pynkhreh man i iwa lai chaaid chaaid wow chna ya ka committee heiwa ki MLA ka liang pyrchah leh u em bynta ki.

“ini i bahkhlieh yong i waroh kam ka jylla daw wanrah ko yei naam wei burom ka jylla waroh kawi” da ong u Dr Mukul.

Related posts

Ya ka Election cha GHADC daw pynbna hadien ka Delimitation

April 15, 2026

Baam smai u Samrat Choudhary kam u CM wa thymme ka Bihar

April 15, 2026

Hawa jubab yeiwa da kylli u MLA ka Nongkrem u Ardent M Basaiawmoit, u montri ka sports u Zenith M Sangma da ong u wa ka jylla da chah jied ko wow pdiang ya ka National Games 2022 ha ka yaalang ka Indian Olympic Association (IOA). Da ong u wa kam wa da pdiang wow pynman ya ka ka sorkar da dep su ko leh T. 50 lak cha ka IOA wei dang sah wow su sa T. 4.50 klur hadien wa yasoi yeiwa emkaam waroh.

Daw chna leh ya ka Games Village neibynta ka lympung tangwa ympu em u jied yei thaw hadooh katni.

U Montri da ong u wa ka sorkar yooluti ko kamwa 1300 ngut ki wa yalehke na kylleiñ ka ri India wow wan cha kani ka lympung.