Shillong: U Montri ka tnat Tax ka jylla u Zenith M Sangma da pyntip u hapoh ka yung dorbar ynnin ka sngi wa ya ki truck wa lai luti ha ki sarok da booh record kiwa kreh Check Gate ha ki kot ki sla wa thoh dei kti neidaw wa ka tnat ym pu pynemkaam ko da ki computer.
Heiwa jubab ya ki phang wa kylli da ka MLA ka Dikkanchi Shira, u Zenith da ong u wa ka tnat katni u sdang pynkhreh noh ko da ki computer ya ki truk kiwa kit mar yow pynjanai ya i rukom khrong dan ka sorkar.
U montri leh da e yei yukheiñ wa ya ki Truck ha u 2014 hadooh 2017, ha ki checkgate waphær waphær wa kynthup ya ka Byrnihat checkgate 2,94,522 tylli ki truck wa lai, ha Athiabari 18,652 tylli, ha Umkiang 26,765 tylli, wa ha Dainaduba Check Gate toh 1,58,334 tylli ki trok kiwa lai.
U Montri leh da pyntip u leh ha yung dorbar wa ka sorkar i yoh khrong dan ko ha u snem 2014-15 toh T. 24,85,87,632, ha u snem 2015-16 T. 7,10,30,21 wa ha u snem 2016-17 da yoh ko T. 2,70,75,622.
Discussion about this post