Resubelpara: Ka sorkar jylla dang pteiñ ko yei thmu yong ka wow wanrah yei suk ki paidbah kamjooh yow jan ki cha ki yungkrehkaam ka sorkar, ynnin ka 25 tarik da wai ya ka Kharkutta Police Staton ha North Garo Hills da u Dr. Mukul Sangma.
Ka Kharkutta Police Outpost, da sdang ya ka ha u snem 1984, deiwa phiah ya ka na ka Mendipathar PS wei da pynku kyrdan ya ka ha ka 24 uni u bnai cha ka Police Station. Kani ka thanat u krehkaam ko ha waroh ki thaiñ Wageasi hadooh Adokgre kiwa man ki chnong kiwa jngai bha naka Police Station wa jaan dooh wa em ha Mendipathar kawa jngai hadooh 40 Km na ki chnong wa khian wa nai.
U Mukul hei klam yong oo da ong u wa ka sorkar ha kini ki snem wa da dep da pynchang ko u wanrah ya iwa boon ki kaam pynroi wei da chem ko wa lada ym em i chong suk chong saiñ waroh ki kaam sah kut ki. Da ong u leh wa i wai ya ki Police Station wa thymme daw wan rah ko leh ya laad yoh kaam ki paidbah kani ka thaiñ.
Ha kani ka sngi u Montri Rangbah leh da kular u wow pynku kyrdan ya ka Kharkutta PHC cha ka CHC.
Neidaw wa ka Kharkutta man ko kawi na kiwa heh dooh ki constituency wei kawa chitom dooh u poi thaw cha kiwa boon ki chnong kamtæ ki kaam roi kam paar leh sahdien ki khamtaam cha ki chnong wa em cha khappood.
Kamtæ ka sorkar u sdang noh ko da ka Scheme Inter-State Border Area Development Programme (ISBADP) heiwa daw sdang ya ki Community College ki wow pyllai pyn da kit re chnong wei daw yarap poisa T. 5000 ya kiwa wan chong Class tista. Ka sorkar leh da dep booh ko T. 1700 Klur ya ki kaam pynroi cha ki chnong wa em cha khappood.
Ha kani ka sngi u Mukul da saam u leh ya ki 10 tylli ki laptop cha kiwa yoh First Division ha ka SSLC wa HSSLC yong ynnin u snem.
Discussion about this post