Lai ekti ka SLPGC ya ka Bui ha u Dr. Mukul Sangma hei yatoh wa ki kaam wow pynsuk ya ki paidbah

Shillong: U Chairman ka State Level Public Grievances Committee (SLPGC), u K.C. Momin chirup wa ki dkhot kani ka Committee da li e ki ya Bui (report) wa ar kawa da boodien nadooh u Naichiphaw (October) 2014 hadooh u Naikhynde (September) 2016 ha u Dr. Mukul Sangma ynne ka sngi ka 29 tarik.

Hadien wa dep pynman ya ka yalang ha pyrdi ka SLPGC wa u Montri Rangbah, oo da e yaroh u ya ka Bui yong ka Committee heiwa da ong ko yow sñiawthooh yei eh i khoo wa chem ki paidbah emkaam nadooh na tre (kiwa yatakhooh wa iwon iwon) u yoh laad ki paidbah u ujor deiwa booh ya ki Complaint Box ha wa waroh ki Block heiwa pyn ha ki Block da ye u pynsñiaw yei ood ki paidbah.

U Mukul da yaroh u yei kreh yeiwa dadep leh kani ka Committee tangwa da phah u ya ki wow pynsñiawthooh ya ki paidbah ya kiwa boon ki laad wa ki paidbah ye ki u ujor nadooh ki website wa da booh kyrpang ka sorkar neibynta ini kamjooh leh da booh ka sorkar ya kiwa boon ki bru sorkar wow yarap ya kam kini ki kaam.

Kamtæ ka Committee leh da rai ko wow bood ya ki buit wa da pachat u Dr. Mukul Sangma yow pynche paidbah yei hok yong ka wow ujor deiwa pynman boon ki yalang paidbah wei wow pyndep ya ini hapoh i por wa daw booh neini chaphrang.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025