Shillong: Ka Khasi Students’ Union (KSU) Bangalore Unit da pyntip ko cha ki bei ki pa kamjooh ki khynnah wa wan puræ cha Karnataka wym hoi u chah pynbiej ki ha ki Agent wa kular pynyoh thaw puræ neibhah ka seiñ da chem ko wa boon kiwa chah thok khamtam kiwa wan puræ cha Bangalore.
Ka seiñ da pyntip ko wa kat dang lai ki sngi dang joor i mih ki Educational Agency na Karnataka wei i thmu yong ki toh du wow riñ poisa na ki khynnah wa na yung ki wei chim kabu ki khamtam ya kiwa na palat chnong ki wym suba sih ya kini ki Educational Agencies.
Kini ki agency boon ki por kular wow pynyoh ya ka “Educational Loan”, ki thaw sah wa biang, ki thaw puræ ha kiwa bha dooh ki College ha Bangalore tangwa manda poi ki khynnah ha Bangalore da booh ya ki ha ki thaw puræ ki wym tipmit ka sorkar Meghalaya.
Kamtæ ka seiñ KSU Bangalore Unit da maham joor ko ya kini ki Agency wei lada dang pteiñ ki ya kam kini ki kaam thok daw chim ko da ki laad ki luti wow pynchitom ya ki neidaw wa chim kabu wei da pynsepai ki ya ka mynried ki khynroo khyllood wa dang khooid.
Kani toh katkam ka khubor na u Rymphang Nongsiej, President KSU Bangalore Unit.
Discussion about this post