Maham ki pulit (CID) ya kiwa pynemkaam bakla ya ka Social Media

Shillong : Ki pulit ka Police (CID) Department da ong ki wa ki Social Media da booh ko ya ka imlang sahlang ha i ma wa khroo.

Da ong ka tnat wa i yohlaad wow pynemkaam ya ka Internet da man ko i kaam wa ma bha khamtam ya kiwa pynemkaam Social Media neibhah wa da boon kiwa pynemkaam bakla ya ka.

Ha ki por wa dadep da chem ka tnat Police (CID) wa da em kiwa chim (download) ya ki video wa ki dur kiwi wei hadien da pynchna (Morphing) ya ki ha ki rukom wow daisarom ya ki bru, iwa man pyrchah ya ka aiñ wa ka imlang sahlang dep neitæ da phah wei da booh ya ki lyngba ka Whatsapp, Youtube, Instagram, wa kiwi kiwi iwa man pyrchah ya ka aiñ Information Technology Act, 2000.

Kamtæ u Additional Director General of Police (CID), Meghalaya, da mana u ya kiwa pynemkaam Social Media wymtoh u leh ki ya kam kini ki kaam wei lada chem ya kiwa leh yeini daw pynchitom ya ki deiwa kset patok hadooh 7 snem.