Lute ki damok na uwa yah kari hadien wa tyrrah ki ka da ka truck

Jowai: Katkam ka yutip wa yoh na ki pulit da pyntip wa uwi u bru wa tip kam u Demi Lyngdoh da ujor u wa ha ka 27 tarik chah lute u.

Ha ka tai ka miet heipor kamwa 10 waje hei thaw wa tip kam i Thwailangwiang Thadmuthlong Pyrdi, WJH ka kari Ford Figo wa yah u Demi; da em ka truck wa wan tyrrah ka hadooh wa da mynsoo u wei hadien wa sangeh u ka, ka kari yong oo, ki damok wa tyrrah ya oo da psiah ki hapoh kari u wei da choh da bom ki oo hadooh wa wiar yong bru u.

Hadien ini ki damok da rah ki ya ka phone yong oo wa ka poisa wa T. 25,000 wa kiwi de ki tiar wa em hapoh kari yong oo ka Ford Figo kawa em ya u number AS-01-BE-4280.

Hei yatoh wa ini ki pulit da register ki ya ka case wei dang pynman ki ya i takit.