Da sdang ka esikai mynkna ya ki khynnah HSSLC yong ka TJSC

Jowai : Kam chibynta wow yarap ya ki khynnah puræ wa dang yang result Class XII (Arts, Science, Commerce) ka English Department ka Thomas Jones Synod College da pynman ko da ka e sikai mynkna wa ar sngi kawa sdang ynne ka 4 tarik yow sñiawthooh ya ki laad wa yoh deiwa puræ English kam Honors (Degree Course).

Da wan wai ya kani ka eskai da u D.M. Wallang, ADC, West Jaiñtia Hills kam u kongsan hei emlang u Principal ka College, kiwa sikai, wa kiwa chimbynta.

U kongsan hei klam yong oo da ong u wa emkaam bha u pynman ya kam kani ka esikai yow yoh yutip wa bniah ki khynnah puræ yow lait ki u jied ya ki laiñ puræ wa bakla kamjooh leh ya kiwa em i thong u puræ English yow sñiawthooh chooh chooh ki ya kani ka laiñ puræ.

Da ong u leh wa kani ka esikai daw pynchlur ko ya kiwa ka-it u thoh parom, thoh poetry wa kiwi kiwi. Da ong u leh yow lait u sepai i por, emkaam wow yah luti ya kiwa lai puræ yow ye ki u jied ya ka lain puræ wayatoh wa ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha kani ka esikai da wan chimbynta 123 ngut ki khynnah na St. Mary Mazzarello, North Liberty HS School, St. Peters Higher School, KJP HS School, Jowai Presbyterian School wa na ki skur na Amlarem.