Shillong: Ki Contractor kiwa kreh ya ki tnat sorkar waphær waphær da chem chitom ki khamtam yei rukom pyllait poisa (Bill) ka sorkar kam na ka tnat PWD wa kiwi kiwi neibhah lada wyrchaw yei lut wei yoh poisa ym yahaap de i.
U wathoh khubor hei yaklam wa ki kattu katni ki Contractor da khana ki wa boonsien ki kreh yong ki lada iwa T. 5 lak, u yoh poisa won du T. 50,000 wei ha uni u snem ymtip ki katwon u yoh ki.
Ki Contractor da pyntip ki leh wa iwa sñiawsih dooh toh wa ha kini ki sngi da paybaad wa boon kiwa emkti wa ki sahep sorkar wei da em leh ki sahep wa da register contractor pynda kiwa hayung yong ki wa ki bru kiwa mihkhmat kam ki MLA wa ki MDC wei ya kini da pyllait bill thij thij.
Da pyntip ki leh wa ki Contractor kiwa da register slem kiwa da pliah bha i rukom kreh ym yoh khih de ki katwa yoh won da kiwa dang register thymme du neidaw wa man ki ki bru kiwa heh wa haaiñ.
“Em ki sahep ki engineer kiwa kreh kam ki contractor deiwa register da i pyrtuid kiwa hayung yong ki” da ong ki Contractor.
Da pynbaad leh wa na kini ki daw wa mih ki kreh tangdep ya kiwa boon ki kreh sorkar neidaw wa kini ki jait contractor da em wa yada ya ki.
Discussion about this post